DMI-p piterarnsisaa naatsorsuutigaa, avannamik kippasimmik 25-30 m/s-mik sakkortussuseqassasoq, 40 m/s anoraasuartussamik. Silassaq sisamanngornermi novembarip 14-ianni nal. 05.00-imiit tallimanngornermi novembarip 15-iani nal. 08.00-ip tungaanut atuuppoq.
Piterarnissaa peqqutigalugu kommune aalajangerpoq, atuarfik, meeqqeriviit, sunngiffinni ornittakkat kommunillu allaffii matoqqassasut.
Piareersaatissat
Tasiilami innuttaasut piumaffigineqarput pigisat tingissinnaasut aalajangersornissaat, tassani sanaartornermut atortut, umiatsiat assigisaallu pineqarput kiisalu anorersuarnerani ajoqusertoqaratarsinnaanera pinaveersaartinniarlugu illumiiginnarnissaaq kaammattuutigineqarpoq.
Upalungaarsimasut attaveqarfigikkit
Innuttaasut anorersuup nalaani ikiortariallit kommunimi upalungaarsimasut attaveqarfigisinnaavaat normu uunga: 36 77 89, pinartoqartillugulu 113.