Aningaasaqarnermut Inuussutissarsiornermullu Ataatsimiititamit novembarip ulluisa tallimaanni 2024-mi ataatsimiinnermini aalajangerneqarpoq, Kommunimut pilersaarummut 2036-mut siunnersuut tamanut tusarniaassutigineqassasoq.
Siunnersuut Kommunimut pilersaarutip atuuttup 2032-p ilaanik iluarsiineruvoq, taanna Pilersaarusiornermut periusissiaq 2023 politikkikkut aalajangigaavoq pilersaarusiornerlu pillugu inatsit naapertorlugu ukiut sisamakkuutaarlugit nutarterneqartartussaavoq.
Pilersaarummut tunngavioreersoq (Kommunimut pilersaarut 2032) kiisalu Pilersaarusiornermut periusissiaq 2023 tunngavigalugit Sermersuumi pingaartinneqartut nutarterneqarlutillu allaffissornikkut allannguiffigineqarput. Pilersaarusiornermut inatsit nutaaq tunngavissiivoq immikkoortut ilai atorneqarnissai pillugit aalajangersakkat allaqqinneqarlutillu iluarsaanneqarnissaannik. Peqatigitillugu pilersaarusiornermut inatsit immikkoortussanik atugassanngortitsinissamut periarfissiivoq, tamannalu ilaatigut Nuummi Kuanninnguit alliartortinneqarnissaanut atorneqarpoq. Kommunimut pilersaarut 2036 aamma digitalimik nunap assiliornerulernermik nassataqarpoq, tamatumani qulakkeerneqarluni kommunimut pilersaarut pilersaarusiorfiup ingerlanera tamaat sakkussatut atortuarneqarnissaa. Siunnersuutip allaffissornermi tunngavissaq kommunimilu sullissineq pitsaanerusoq qulakkiissavai.
Uani paasissutissanik amerlanerusunik pissarsigit:
Kommunimut pilersaarut 2036-mut siunnersuut pillugu – Kommuneqarfik Sermersooq