Kommuneqarfik Sermersuumi Inuussutissarsiornermut immikkoortortaq Paamiuni imarsiornermik ilinniarfimmi tammajuitsussarsiortunik piniartitsisunngornianik aqqaneq-marlunnik pikkorissaaqqammerpoq.
Peqataasut Sermersuumi sumiiffinnit assigiinngitsuninngaanneersut pikkorissarnermik ulluni 29. oktobarimiit 1. novembari 2024 ilanngullugu ingerlanneqartumi naammassinnipput. Tammajuitsussarsiniarluni piniarnermut tunngasuni teoriit piniarnerlu pillugit ilitsersuinerit matumani paasissutissat nalinginnaasut, uumasunik angisuunik passussineq, tammajuitsussiassanik piareersaaneq, piniartariaatsinilu ilitsersuineq pikkorissaanerup imarai. Peqataasuttaaq pilersaarusiornermi aallaaniallu tammaarsimaarfiinik sumiissusersiornermi ilinniartinneqarput.
Pikkorissarneq ilinniartitsinermik misilittagalinnik ingerlanneqarpoq: Per Nukaaraq Hansen, Niels Lynge aamma Trine Mogensen. Piniartitsisalerlaat Sermersuumi tammajuitsussarsiniarluni piniarnermik takornariaqarnermut tunniussaqarnissaminnut piareeqqapput.
Peqataasut:
Angunnguaq Knudsen, Peter Aage Petersen, Taatsiaq Møller, Adolf Frederiksen, Jens A Mikaelsen, Fritz Mikaelsen, Angunnguaq Lange, Jens-Jakob Berglund, Ejvind Jensen, Kaali Fencker aamma Pipaluk Mikaelsen.
