Marlunngorneq novembarip 12-ani Nuummi Kommuneqarfiup allaffia tungujortumik qaammarneqassaaq. Nunarsuaq tamakkerlugu illut ilai tungujortumik qaammaqqassapput puallunneq malunnartinniarlugu.
Worldwide Pneumonia Awareness Campaign – Pneumolight 2024 ukiumoortumik aningaasarsiutiginagu suliniutaavoq, nunat 52-it suleqatigisartakkat ataatsimoortilertarpai. Ataatsimoorlutik illut 250-init amerlanerusut ilisimaneqarluartut pingaarnerillu tungujortumik qaammartarpaat pualluttarneq eqqumaffigineqarnerulerniassammat.
Nunarsuaq tamakkerlugu puallunneq tunillatsissimanermi toqussutaanerpaat ilagaat. Puallunneq nappaatinit tuniluuttunit allanit tamanit meeqqanut toqussutaasarneruvoq, ukiullu tamaasa meeqqat tallimat inorlugit ukiullit 700.000-it amerlanerusut toqqutigisarpaat, imaappoq ullormut 2.000-it missaat toqqutigisarpaat.
Borgmesterip Avaaraq Olsenip suliniut soorunami tapersersorpaa: Puallunneq nunarsuaq tamakkerlugu ajornartorsiutaavoq inuppassuit inuunerannik naleqartartoq. Kalaallit Nunaanni inuppassuit tuberkulose akiortariaqarsimavaat, nappaat kinguaariinni tamani malunniutaasimasoq. Taamaattoq suliniut soorunami tapersersorparput, ikioqataallutalu puallunneq pillugu eqqumaffigineqalernissaanut Kommunip allaffia ukioq manna tungujortumik qaammaqquseqqissavarput.
Pneumolight suliniutaa pillugu atuagaqarnerorusukkuit una tuussavat.
Puammik nipititsineq pillugu paasisaqarnerusinnaavutit Patienthåndbogimi, Statens Serums Institutikkut imaluunniit Netdoktorikkut.