DMI-p neqqajaarnissaa kingornalu piterarnissaa aalerusaarutigaa. Anorersuit tallimanngornermi oktobarip 25-anni nal. 01.00 aallartissapput, naatsorsuutigineqarporlu arfininngorpat oktobarip 26-anni nal. 14.00 sakkukilliartornissaat.
Anorersuit marluk tulleriiginnarnissaat kinguneraa piffissami sivisuumi anoraarsuarujussuartarnissaa. Innuttaasut mianersornissaannik piumaffigineqarput.
Neqqajaaq pillugu aarlerisaarut:
Neqqajaamik anorersuarnissaa tallimanngorpat oktobarip 25-anni nal. 01.00 aallartissangatinneqarpoq, taannalu nal. 10.00 missaani sakkukilliartussaaq.
DMI-p naatsorsuutigaa Neqqajaaq avannamik kippasimmik sekundimut 25-28-nik sakkortussuseqarnissaa, sekundinillu 33-35-mik sakkortussusilimmik anoraasuartassalluni.
Neqqajaap kingorna piterassaaq:
Piteraq tallimanngornermi nal. 15.00 aallartinnisaa aarlerisaarutigineqarpoq, akunnerit 23-t piterassaaq arfininngornerup nal. 14.00 tungaanut.
Piteraq sekundimut 25-28-nik sakkortussuseqarnissaa, sekundinillu 38-nik sakkortussusilimmik anoraasuasarnissaa naatsorsuutigineqarpoq
Piareersaatissat
Tasiilami innuttaasut piumaffigineqarput pigisat tingissinnaasut aalajangersornissaat, tassani sanaartornermut atortut, umiatsiat assigisaallu pineqarput kiisalu anorersuarnerani ajoqusertoqaratarsinnaanera pinaveersaartinniarlugu illumiiginnarnissaaq kaammattuutigineqarpoq.
Upalungaarsimasut attaveqarfigikkit
Innuttaasut anorersuup nalaani ikiortariallit kommunimi upalungaarsimasut attaveqarfigisinnaavaat normunut ukununnga sianerluni: 113 aamma 36 77 89.