Umiatsiat ukua Adolf Jensensvej nr. 14 saavani inissinneqarsimasut arlaat pigigukku piaartumik Kommuneqarfik Sermersooq – Nakkutilliinermik oqartussat attavigisariaqarpatit.
Tamatumunnga patsisaavoq sanaartornermut atatillugu sumiiffimmi pineqartumi umiatsiat inissinneqarfianni nuna qaartitserneqartussaammat umiatsiallu piaarnerpaamik peerneqartariaqarlutik. Tamanna patsisigalugu Kommuneqarfik Sermersooq, nakkutilliinermi oqartussat piaarnerpaamik saaffigissavatit – immikkoortortami aqutsisoq, Vilhelm Lynge Hard, mail: vilh@sermersooq.gl imaluunniit Mikal Kofoed, mail: mkko@sermersooq.gl imaluunniit oqarasuaat : +299 55 62 83 – taakku inissiivissamik allamik ikiorsinnaavaattit.
Umiatsiat pineqartut peerneqanngippata nuunneqarnissaat Kommuneqarfik Sermersooq-miit isumagineqassapput piginnittup akisussaaffigisaannik taamatullu aamma piginnittumut akiligassanngorlugu.
