Nuummi Ulloq Erfalasulerfik persuarsiutigineqarpoq tassani Kommuneqarfik Sermersuumi Borgmesteri Avaaraq Olsen sakkutuujusimasunut qanigisaannullu oqalugiarpoq. Borgmesterip oqalugiarnermini sakkutuujusimasut Kalaallit Nunaanni Naalagaaffeqatigiinnilu eqqissinermut isumannaallisaanermullu sunniuteqarsimanerannik nersualaarinninnerup pingaaruteqassusaa ersarissarpaa.
“Ulloq Erfalasulerfik ulluuvoq ataqqinninnermut eqqarsaatiginneqqissinnaanermullu tunngasoq. Ulloq taanna aallartitat tunniusimanerat nalliuttorsiutigisarlugulu angerlanngitsoortut eqqaaniartarpavut,” Avaaraq Olsen oqarpoq.
Persuarsiorneq sakkutuujusimasut aallartitaanerminni misigisimasaminnik namminneq oqaluttuarnerannik aamma imaqarpoq. Danmarks Veteranerini Landsformandimit, Veterancenterimit pisortamit, Illersornissamut ministerimit videokkut inuulluaqqusissummik takutitsisoqarpoq kiisalu folketingimut ilaasortaq Aaja Chemnitz allakkatigut inuulluaqqusivoq.
Naggataarutaasumik Issittumi Sakkutooqarfimmit brigadegenerali Poul Primdahl oqalugiarpoq kingornalu ulloq Kalaallit Nunaanni Sakkutuujusimasunut attaveqatigiit ataatsimiinnerannik nereqatigiinnerannillu nanginneqarpoq.
Nuummi Ulloq Erfalasulerfik 2024 ulluuvoq sakkutuujusimasunut suliniutigisimasaannullu ataqqinninnermik qujamasunnermillu takutitsiviusoq.
