Kommuneqarfik Sermersooq nunaannarmi illuaqqamik/toqqavimmik piginnittuusinnaasumik piffimmi taaneqartumi inissisimasumi ujaasivoq. Illuaqqamik/toqqavimmik piginnittuuguit Nunaminertanut Oqartussaqarfimmut ulloq 11. septembarip 2024 nallertinnagu saaffiginneqquneqarputit.
Illuaqqanik/toqqavinnik piginnittussarsiuunneqartunut inatsisinut naapertuuttumik piginnittuuguit piginnittuuninnut uppernarsaammik nassarlutit Kommuneqarfik Sermersuumi Nunaminertanut Oqartussaqarfimmut saaffiginneqquneqarputit.
Nunaminertanut Oqartussaqarfik attaveqarfigineqarsinnaavoq, oqarasuaat: +299 36 74 00, E-mailimut sai@sermersooq.gl Kommuneqarfik Sermersuup allaffianulluunniit saaffiginninnikkut, Kuussuaq 2, Postboks 1005, 3900 Nuuk.
Piginnittussarsiuunneqartunut saaffiginnissutinik Nunaminertanut Oqartussaqarfik tigusaqanngippat piginnittuunermulluunniit uppernarsaammik naammattunik peqartoqanngippat, illuaqqamut/toqqavimmut nunaminertamik atugassiissut kommunimiit atorunnaarsinneqarsinnaavoq.
Nunaminertamik Oqartussaqarfik illuaqqamik/toqqavimmik piginnittuusinnaasumik ujaasivoq illuaqqap/toqqaviup eqqaani nunaminertamik atugassiissummik piginnittuulernissamik saaffiginnittoqarmat. Nunaminertanut oqartussaqarfiup sullissinermini suliamut tunngatillugu aalajangiinnginnermini sullissinermi suliaq paasissutissanik naammattunik pisariaqartitsimmat inuttassarsiuussinerit ingerlanneqarput.
| Sumiiffik/ Lokalitet | Koordinater | Koordinater | Suna/Type | Nr. |
| K65 Kangimut Sammisoq | 64°18’18.96″N | 51°41’27.43″V | Toqqavik/Fundament | F-4 |
