Ukioq manna tuttunniarnissaq umimmanniarnissarlu aallartingajalerput, piniarialinnginnermili piniarsinnaanermut akuersissutinik pisariaqartunik Nuummi, Paamiuni taakkulu nunaqarfiini Innuttaasunik Kiffartuussiviinut maanna aallersinnaanngorputit.
Inuussutissarsiutigalugu piniartut sungiffimmilu piniartut Nuummi, Paamiuni taakkulu nunaqarfiini najukkami Innuttaasunik Kiffartuussiviinut imaluunniit aalisarnermut piniarnermullu siunnersortinut ornigullutik akuersissutinik aallersinnaanngorput.
Tuttunniassagaanni umimmanniassagaanniluunniit akuersissuteqarnissaq inatsisitigut piumasaqaataavoq.
- Inuussutissarsiutigalugu piniartut imaluunniit sunngiffimmi piniartut piniarnermut allagartallit kisimik akuersissutinik aallersinnaapput.
- Piniarnermut allagartaq taamaallaat atuussinnaavoq apriilip 30-ani 2024 kingusinnerpaamik akilerneqarsimappat.
Umimmanniarneq
Ukioq manna piniarneq allaanerussuteqarpoq, tassa Kommuneqarfik Sermersuumi aqutsisoqarfik Maniitsumi 150-it Aalisarnermut Piniarnermullu Naalakkersuisoqarfiup pisassiissutigimmassuk. Taakkualu imatut agguarneqassallutik; Piniarnermi Inuussutissarsiutigalugu allargartallit Umimmaat pingasut, kiisalu sunngiffimmi pinialuttartunut umimmak ataaseq.
Innuttaasut umimmanniarnissamut qinnuteqarusuttut Innuttaassunik Kiffartuussivinnut ullumikkumiit qinnuteqaammik immersuiartorsinnaanngorput. Qinnuteqaatit katersorneqareerpata tamanut ammasumik makitsisoqarumaarpoq, tamannalu pissaaq piniarfik aallartinnginnerani.
Tuttunniarneq, umimmanniarneq, piniarnermut allagartaq aamma akuersissutit pillugit Sullissivik.gl -imi paasisaqarnerusinnaavutit:
https://www.sullissivik.gl/Emner/Jagt_fangst_og_fiskeri
Nuummi Paamiunilu Innuttaasunik Kiffartuussiviit ammasarfii:
Ataasinngorneq – pingasunngorneq nal. 10.00 – 15.00
Sisamanngorneq nal. 12.00 – 17.00
Tallimanngorneq nal. 10.00 – 12.00
MALUGIUK: Nuummi Innuttaasunik Kiffartuussivik juulip 30-anni 2024 nal. 17.00-miit 21.00-ip tungaanut immikkut ittumik ammassaaq, tuttunniarnissamut umimmanniarnissamullu akuersissutit kisimik tassani suliarineqassapput.
Nal. 20.30 makitsisoqassaaq, kikkut umimmanniarnissamut akuersissutinik pissanersut makitsissutigineqassalluni.