Nuummi atuarfinnut allanut sanilliullugu Kommuneqarfik Sermersuumi Atuarfik Inussummi ukioq atuarfiusoq kingusinnerusukkut aallartissaaq. AKO’t nalinginnaasumik ammaannassapput.
Atuartut aasaanerani atuanngiffeqareernerup kingorna Atuarfik Inussummi atualertussat, ullunik 14-inik kingusinaarlutik atualissapput. Allannguuteqarnermut pissutaavoq, atuarfik sanaartortuniit Kommuneqarfik Sermersuumut suli tunniunneqannginnera.
Atuanngiffeqarnissamut pilersaarut nutaaq imaappoq, Atuarfik Inussummi atuartut tamarmik atuariartussapput sisamanngornermi aggustip 29-anni 2024, ukiorlu atuarfiusoq naammassissallugu marlunngornermi juunip 24-anni 2025. Nuummi atuarfiit sinnerini ukioq atuarfiusoq aallartissaaq sisamanngornermi aggustip 15-ianni 2024 naammassissallunilu tallimanngornermi juunip 20-anni 2025.
Atuarfik Inussummi atuanngiffeqarnissamut pilersaarut atuarfinniit allaniit allaanerugaluartoq, atuartut allat assigalugit atuartunut ullut 200-t atuarfiussapput.
Sunngiffimmi ornittakkat AKO’llu USK-imut ASK-imullu attuumassuteqartut aasaanerani atuanngiffeqarnermi atuartunut ammaannassapput taamaasillutik atuartut tamarmik aasaanerani atuanngiffiusumi sivitsorneqartumi paarineqarnissaat periarfissaassaaq.
USK-imi ASK-imilu atuartunut angajoqqaat allagarsiivikkut (forældreintra) paasitinneqareerput aammalu 1.klassinngortussanut angajoqqaat e-boksikkut paasitinneqareerlutik.