Immikkoortup ilaani 4A8 Ningitsivimmi sanaartorfissat sanaartorfigineqanngitsut kommunip matumuuna nalunaarutigai. Sanaartorfissat tamarmik inissialiorfissaapput.
Kommunimut pilersaarummut tapiliussami immikkoortoq 4A8-2 Ningitsivimmi inissiaqarfik, Nuuk januar 2024-meersoq pillugu immikkoortumi suut atuuttuunersut sukumiisumik atuarlugu paasiniarluarnissaa pingaaruteqarpoq.
Kommunimut pilersaarummut tapiliussaq Sanarfinermut Avatangiisinullu Ingerlatsivik saaffigalugu pissarsiarineqarsinnaavoq, imaluunniit kommunip nittartagaani https://kp.sermersooq.gl atuarneqarsinnaavoq.
Suut sanaartorneqarsinnaappat:
Immikkoortut ilaat sisamanut immikkuualuttunut avissimapput, pingasut makkunannga sanaartorfiusinnaallutik:
Immikkuualuttoq 1: inissiat katillugit 16-it annerpaamik 150 m2 sanaartorfissaq kiisalu inissiat marluk annerpaamik sanaartorfissami 300m2 quleriit 1,5 naqqup ataa ilanngunnagu.
Immikkuualuttoq 2: Illut affarleriit 7-it sanaartorfissami annerpaamik 210 m2 quleriit marluk naqqup ataa ilanngunnagu.
Immikkuualuttoq 3: Quleriinnik inissialiat 17-it quleriit amerlanerpaat pingasut naqqup ataa ilanngunnagu. Piumasaqaatit allat ukuupput:
Sanaartorfissat 1, 2 & 3 sanaartorfissaq annerpaamik 210 immikkut sananeqassapput ikinnerpaanik tallimanik inissiartallit.
Sanaartorfissat 7, 8, 9, 10, 11, 12, 13 & 14 sanaartorfissaq annerpaamik 280 m2 immikkut sananeqassapput ikinnerpaanik tallimanik inissiartallit.
Sanaartorfissat 4, 5 & 6 sanaartorfissaq annerpaamik 350 m2 immikkut sananeqassapput ikinnerpaamik 7-inik inissiartallit.
Sanaartorfissat 15, 16 aamma 17 kommunip tamanut inissialiornissaanut illikartinneqassapput.
Sanaartorfissagissaaneq
Pingaarnertut sanaartorfissagissaasoqareerpoq, aammalu sanaartorfissagissaanermut 0,5 mio kr aamma 2,5 mio. kr. akornata missaannik akiliuteqartitsisoqassaaq, nunaminertap qanoq annertutiginera apeqqutaatillugu.
Nunaminertamik atugassinneqarumaartussat periusissat nalinginnaasut malissavaat, innersuussutigineqarluni agguaassinermut atatillugu kommunimi nunaminertamik atugassiisarnermut aalajangersakkat aamma sanaartorfissamik inniminniinissamut/nunaminertamik atugassinneqarnissamut tunngasumik nalunaaruteqarneq.
Kikkut qinnuteqarsinnaappat:
- Kinaluunniit inuk, suliffeqarfik, ingerlatseqatigiiffik peqatigiiffilluunniit inatsisitigut akuerisaasoq nunaminertamik qinnuteqarsinnaavoq. Eqqumaffigiuk qanigisariit arlalinnik qinnuteqarsinnaanngimmata.
- Makitsinermi qinnuteqarsinnaatitaasut tamarmik makitsinissamut ataatsimik peqartarnerat tunngaviusarpoq. Taamaalillunilu katissimallugu aapparisaq, inuit illoqutigiinneersut, inuit allat qinnuteqaammut tunngatillugu aamma/imaluunniit attuumassuteqartut – ataatsimoorussamik soqutigisaqaqateqartut qinnuteqarsinnaanngillat. Aamma suliffeqarfiit inuilluunniit suliffeqarfimmi tamakkiisumik ilaannakortumilluunniit piginneqataasut, suliffeqarfimmik aqutsinermut peqataasut allatulluunniit suliffeqarfimmut aqutsisunulluunniit qanittumik attuumassutillit nunaminertamik atuinissamut uani neqeroortitsinermut ataatsimik amerlanernit qinnuteqarsinnaanngillat. Suliffeqarfiit suliffeqarfissuarmut attuumassutilinnut aamma tamanna atuuppoq. Assersuutigalugu aappariinnut marluusunut, imaluunniit ingerlatseqatigiiffimmut taassumalu pisortaaneranut imaluunniit ingerlatseqatigiiffinnut marlunnut ataatsimik pingaarnertut aningasaliisoqartunut il.il. immikkut qinnuteqarnissaq inerteqqutaavoq.
- Qinnuteqartoq nunaminertamik atuinissamut illikartitsisimappat sanaartorfigineqanngitsunulluunniit nunaminertanik atuinissamut tunineqarsimappat nunaminertamik annermik pisariaqartitsineq ersarissumik paatsuugassaanngitsumillu uppernarsaasersorneqarsimassaaq. Nunaminertanik siornatigut sanaartornissamut annertuumik kinguaattoorfiusoqarsimappat qinnuteqaammik itigartitsisinnaanini ingerlatsivik pisinnaatippoq.
- Qinnuteqartoq pisortanut akiitsoqarsimaguni, matumanilu sanaartorfissagissaanissamut piginneqataalluni akilersimanngisaminik, qinnuteqaatip itigartitsissutiginissaanut ingerlatsivik pisinnaatippoq. Suliffeqarfinnut aamma atuuppoq suliffeqarfimmut, piginnittua, aqutsisui imaluunniit inuit suliffeqarfimmut sunniutillit pisortanut akiligassaqarpata tamanna aalajangiisuussalluni.
Qinnuteqartoq sanaartorfissami ataasiinnarmi 1-42-mi qinnuteqaateqarsinnaavoq. Qinnuteqaat sanaartorfissanik pingaarnersiorlugit allattukkamik imaqarsinnaavoq, qinnuteqaateqartup pissarsiarerusutaanik, siullertut pingaarnerutitaq allamut tunniunneqarsimatillugu.
Qinnuteqarfissaq qaangiuppat qinnuteqaatit malittarisassanik malinnissimanersut nalilersorniarlugit misissorneqassapput. Malittarisassat malinneqarsimanngitsut paasineqarpat qinnuteqartut malittarisassanik unioqqutitsisut peerneqassapput.
Qinnuteqaammut ilanngunneqassapput
- Sanaartorneq pillugu allaaserinninneq
- Sanaartornissamut piviusorsiortumik piffissamik pilersaarusiorneq, nunaminertamik atuinissamut inniminniinermut nunaminertamillu atugassinneqarnermut sanaartornissamullu akuersissutitalimmik piffissaritinneqartunik atuuttunik malinnittumik.
- Pingaarnersiuinermi allattorsimaffik 1 – 8 sanaartorfissanik pingaarnersiukkat
- Aningaasaliisinnaassuseqarnermik uppernarsaat: Qinnuteqartup uppernarsassavaa sanaartornissamut qinnuteqaammik piviusunngortitsinissamut aningaasaqarnikkut artornagu inatsisitigut piffissaliunneqartut iluanni. Bankimit aningaaserivimmilluunniit uppernarsaanikkut uppernarsarneqassaaq qinnuteqartup aningaasaqarneratigut qinnuteqaatigineqartup nalaani qinnuteqartoq immikkoortumi qinnuteqaatigineqartumi pisariaqanngitsumik kinguaattoorani qinnuteqartoq aningaasaqarnikkut atugassanik pissarsisinnaaneranik tunngasunik. Uppernarsaanermi qinnuteqartup ukiuni arlalinni atorunnaarsinneqarsinnaanngitsumik attartortitsisuunini pillugu aalajaatsumik attartortoqarnera imaluunniit pissutsit tassunga assingusut apeqqutaatinneqassanngillat. Sanaartugassap aningaasalerneqarnissaanut qularnaarisumik qinnuteqartup nammineq aningaasaqarnera naapertuutissaaq. Banki aningaasaateqarfilluunniit uppernarsaanermi oqaatigissanngilaa inatsisitigut piginnaatitaanani, tassami banki uppernarsaanermut atatillugu pisinnaatitaammat aningaasatigut piginnaanermik nalilersuinermi tunngaviit nalinginnaasut tunngavigalugit suliamut attuumassuteqartumik uppernarsaasussaatitaammat.
- Pisortanut akiligassanik akilerneqanngitsunik peqannginnermut tunngasunik ilumoorluinnarluni uppernarsaaneq.
Qinnuteqaatit taakkuninnga paasissutissanik uppernarsaatinillu imaqartut kisimik akuerineqartussatut ilanngunneqassapput. Qinnuteqaatip tamakkiisuunissaa eqqortumillu paasissutissiinissaq qinnuteqartup akisussaaffigaa. Qinnuteqarfissatut piffissaritinneqartoq qaangiutsinnagu qinnuteqaatit kommunip misissorneq ajorpai.
Qinnuteqarnissamut piffissaliussaq
Qinnuteqaatit tamarmik 1. juuli 2024 sioqqullugu imaluunniit kingusinnerpaamik ulloq taanna nal. unnuap qeqqartinnagu tiguneqarsimasut ataatsikkut tiguneqartutut isigineqassapput. Qinnuteqaatit 1. juuli 2024 unnuap qeqqata kingornatigut tiguneqartut ilaatinneqassanngillat.
Tunniussisarnermut suleriuseq
Piumasarineqartunik naammassinnissimasut akornanni Kommuneqarfik Sermersooq makitsissaaq qinnuteqarnissamut piffissaliussap ilimagisamik sapaatit-akunneri sisamat kingornagut. Qaqugu makitsisoqassanersoq pillugu qinnuteqartut nalunaarfigineqarumaarput. Makitsineq kikkunnut tamanut ammavoq kommunillu nittartagaatigut facebookikkullu qupperneratigut nalunaarutigineqarumaarluni.
Aammattaaq Kommuneqarfik Sermersuup nunaminertamik atugassiisarnermik nalinginnaasumik aalajangersagai innersuussutigineqarput. http://www.kp.sermersooq.gl
Annertunerusumik paasissutissat Sanarfinermut Avatangiisinullu Ingerlatsivimmut paasiniarneqarsinnaapput, sai@sermersooq.gl
Nunaminertamik atuinissamut inniminniinissamut qinnuteqaat elektroniskinngorlugu uunga nassiunneqassaaq sai@sermersooq.gl ilisarnaaserlugu 4A8 Ningitsivik