DMI-p Nuummi anorersuarnissaanik aarlerisaarinini marlunngornermi ualikkut nutarterpaa, anorersuarujussuartut sakkortutigisumik anoraasuanertalimmik anorersuarnissaanik maanna aarlerisaaruteqarlermat.
Upalungaarsimasut Nuummi innuttaasut tamarmik illup iluaniiginnarnissaat maanna inassutigaat, anorersuarunnaarnissaata tungaanut, anorersuarunnaarnissaalu nal. 20.00 missaani pinissaa ilimagineqarpoq.
Anorersuarnerata nalaani ikiorneqarnissamik pisariaqartitsisoqassappat upalungaarsimasut piareersimapput, taakku oqarasuaatikkut attavigineqarsinnaapput: 113