Ullumikkumiit Nuummi innuttaasut Nuuk pillugu misigisatik 2035-mullu Nuummut kissaatitik pillugit apeqqutitalinnik immersuinikkut misissuinermut peqataasinnaapput.
“Innuttaasut amerlassut Nuuk 2035-mi qanoq isumaqarfigineraat pillugu isummaminnik annissuinissaat periarfissaqartinnissaallu assut kommunalbestyrelsimut pingaaruteqarpoq. Neriuutigivaralu periarfissaq taanna amerlasuunit atorluarneqassasoq, taamaalilluta illoqarfiit pingaarnersaannut pitsaanerpaamik periusissiorsinnaagatta, isummat assigiinngitsorpassuit tunngavigalugit. Periusissiassap inaarutaasup sapinngisamik amerlanerpaanit ilisarineqarsinnaanissaa, aamma tamatta sunniuteqarfigisinnaaneranut periarfissaqarfigisimagipput anguniagaavoq. Illoqarfiit pingaarnersaannut periusissiaq suleqatigiinnermik pilersitsissaaq, ataatsimoorlutalu piginnittuuffigissavarput,” Borgmesteri Avaaraq Olsen oqarpoq.
Misissuinerup inerneri Nuummut illoqarfiit pingaarnersaat pillugu periusissiaq 2025 – 2035-mut nutaamik suliaqarnermi atorneqassapput.
Apeqqutitalinnik immersuititsinikkut misissuineq ullumikkumiit, maajip ulluisa arfineq-aappaanniit juunip pingajuata tungaanut, ingerlanneqassaaq. Innuttaasut misissuinermut peqataasut Nuuk Centerimi pisissutissanik tallimanik, ataaseq 1.000 koruuninik nalilik, makitsinermut peqataasinnaapput.
Apeqqutitalimmik immersugassamik misissuinermut akissuteqarneq minutsit qulit miss. sivisussuseqassaaq, Kommuneqarfik Sermersuullu innuttaasunik peqataatitsinermut nittartagaatigut ugguune akissuteqartoqarsinnaavoq
Soqutiginnittut tamarmik Kommuneqarfiga.gl-ikkut suliniut sulinermullu pilersaarutit atuarsinnaavaat.
Maanna Kommuneqarfik Sermersooq Nuummut illoqarfiit pingaarnersaat pillugu periusissamik nutaamik, 2035-p tungaanut atuuttussamik, suliaqarpoq.