Sanarfinermut Avatangiisinullu Ingerlatsivimmit Paamiut eqqaanni nunaannaap qanoq atorneqartarnera pillugu tusarfigerusuppaasi. Misissuinitsinni apeqqutit akinerisigut illuaraqarfiusinnaasunik tikkuussinissamut ikiortigut.
Sanarfinermut Avatangiisinullu Ingerlatsiviup Kommunimut pilersaarut 2036-mut atatillugu Paamiut eqqaanni nunaannaap qanoq atorneqartarneranik misissuinermi innuttaasut isumaat tusarusuppaa. Apeqqutit atorlugit misissuinitsinni nunaannarmi illuaqqanik nunaannaallu takornarialerisunit atorneqaleratarsinnaanera sillimaffigalugu innuttaasut soqutigisaat pillugit erseqqinnerusumik paasisaqarusuppugut.
Apeqqutit immersugassat linkimi uani nassaarisinnaavatit.