DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25 – 27 miiterinik sukkassuseqassaaq, avannaq kangisimmik anorersuassaaq, anoraasuarneralu anoraasuarujussuartut sakkortutigissaaq sekundimut 33 aamma 38 miiteri angumasassallugu.
Kommuneqarfik Sermersuumit aalajangerneqarpoq atuarfiit, ulluunerani paaqqinnittarfiit pisortallu allaffeqarfii ammatinneqassasut. Innuttaasut pisariaqartunik isumannaarsuinissaat, tassunga ilanngullugu teqqarsinnaasunik isumannaarsuinissaat pingaaruteqarpoq.
Innuttaasut aamma umiatsiamik aallannginnermi, qamuteralannginnermi qimussinnginnermilu aarlerisaarut eqqarsaatigilluassagaat kajumissaarneqarput, aamma anorsualinnginnerani isumannaatsumik angerlamut apuunnissaat.
Ulluni tulliuttuni anorersuarnerata saniatigut siallertassaaq, aputit ataani taseqqertitsisinnaasumik. Tamanna quatsersinnaaneranik maakkarnarsinnaaneralu aarlerinartoqalersitsisinnaavoq. Pingaartumik kussinerni.
Anorersuarnerani ikiorneqarnissamik pisariaqartitsisoqalissagaluarpat upalungaarsimasut oqarasuaammut +299 367789 attavigineqarsinnaapput.