Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup toqqarneqarnerani, takkuttut aamma aaqqissuussami peqataatinneqarput, tassanilu ukioq manna ”Audience award”-innattussaq toqqarlugu.
”Ukioq manna apummik ilusilersuinermi unammisitsinermi ajugaasut pilluaqquagut. Piginnaasaqarluartut Snow Fest ukiumoortumik aaqqissuussaasumi, ukiut apeqqutaatinnagit nuannaartitsisarput. Ukioq manna pingaartumik inuusuttut holdit unamminermi peqataalluarput, tamannalu takullugu nuannersuuvoq,” aaqqissuussamut akisussaasuusoq Alberte Parnuuna oqarpoq.
Ukioq manna holdi ”But baby its cold outside” ajugaavoq, ilusilersukkamik ”Hymn to freedom”.
Takkuttullu ilusilersugaq ”Asiaq” holdimit ”The dream team”, ukiumi Audience Award-imut toqqarpaat.
Ukioq manna suliniut nutaaq “Food and Snow” aqqutigalugu nerisassanik misigisaqartitsineq aamma pingaartinneqarpoq. Ilaatigut workshoppertitsinikkut sumiiffimmilu nerisassaatit pingaartillugit unammisitsinikkut ersersinneqarpoq.
Snow Fest-itut ittut aaqqissuussat aningaasaliisunit, sumiiffimmi suliffeqarfinnit, kommunimit ikiuuttut orangenik vestillit minnerunngitsumillu namminneq kajumissutsiminnik ikiuuttunit tapersersorneqarani pisinnaassanngikkaluarput, Taamaattumik festivalip pinnatassaqartitsinikkut suleqatigiinnikkullu iluatsinneranut ikiuussimasut tamaasa qutsavigerusuppagut. Tunniusimanerat Nuuk Snow Fest-ip iluatsilluarneranut sunniuteqarpoq.
Nuuk Snow Fest 2024 pingaarnertut aningaasaliisut:
- Brugseni
- GrønlandsBANKEN
Aningaasaliisut:
- Katersugaasivik Nuutoqaq / Nuuk Lokalmuseum
- NUIF
- Nuuk Water Taxi
- SIKUKI
- milik publishing
- InuaCare
- Pascucci
- Inuk Hostels
- IQ Naasut
