Nuummi Narsarsuarmi nutaanik najugaqartoqalerpoq. Angerlarsimaffeqanngitsut femtenit suliffeqareersut najugaqarnerminnillu pitsanngorsaanissaminnik neriuuteqareersut, najugaqalivinnissamut sungiusarnissaminnut akuersisimapput, blok 8-mi ineeqqami najugaqarnissaminnut periarfissinneqarlutik.
Najugaqalivinnissamut suliniut tassaavoq Kommuneqarfik Sermersooq aammalu Namminersorlutik Oqartussat suleqatigiillutik angerlarsimaffeqanngitsuunerup akiorniarneranut suliniutaat misiliutaasoq.
Kommunip Isumaginninnermut Suliffeqarnermullu Ingerlatsiviata kissaatigaa Nuummi innuttaasut soqutiginnittut suliniut pillugu paasissutissiiffigineqarnissaat, peqatigitillugulu oqaloqatigiittoqarnissaanut ammaassilluni, kikkulluunniit tusarneqarnissaminnut periarfissinneqassallutik.
”Paasineqarnissaq ataqatigiinnissarlu anguniarneqarpoq, tamanna pigiliutiinnakkat nungutinnissaannut pingaaruteqarluinnarpoq avatangiisinillu peqataatitsiffiusuni pilersitsinissaq, kikkunnut tamanut inissaqartitsiffiusumik. Ilinniarneq, suliffeqarneq inuttullu ineriartorneq aqqutigalugit inuit ataasiakkaat allanik naatsorsuuteqarnermik pisariaqartitsiunnaarnissaannut isumalimmillu nammineq najugaqarlutik inuuneqalernissaannut aqqutissiuusserusuppugut”, oqartussaaffeqarfimmi aqutsisoq René Kvist oqaluttuarpoq.
Ataatsimiinneq pissaaq Katersortarfimmi sisamanngorneq 21. marsi 2024 nal. 19.00.
Innuttaasunik ataatsimiititsinermi suliniut pillugu annertunerusumik tusagaqarfiusinnaavoq, aammali illit nammineq eqqarsaatersuutitit ernumassutitillu anninnissaannut periarfissinneqassaatit.
Kikkulluunniit tikilluaqqusaapput, aammalu siunnerfilimmik siunnersuutitaqarfiusumik oqaloqatigiilluarnissarput qilanaaraarput.
Inussiarnersumik inuulluaqqusilluta Suliffeqarnermut Isumaginninnermullu Ingerlatsivik