Kommuneqarfik Sermersuumit Nuummi innuttaasut nutaat tamarmik tikilluaqqusinissamut qaaqqusaapput, tassani Nuuk ilisimasaqarfiginerulernissaanut periarfissaqarputit.
Nuummi nutaatut immaqa pissanganartumik kisianni aamma unammillernartumik aallartipputit, suna tamarmi nutaatut nalunartutullu illuni. Ilikkagassarpassuaqarpoq – ulluinnarni suliassaniit illoqarfiup oqaluttuarisaaneranut imaqaqisumut immikkuullarissumillu kulturianut. Kommunip tikilluaqqusinerani illoqarfik pillugu immikkuullarissumik ilisimasaqarfigilernissaanut periarfissaqarputit, ulluinnarni iluaqutigisinnaasannik kiisalu Nuummi oqaluttuarisaanerup kulturillu tunuliaqutai pillugit annertunerusumik paasisaqassallutit.
Ullormut pilersaarut:
16.30: Kommunip allaffiata eqqaani naapissaagut, tassani bussinik angalaarneq aallartissaaq. Angalaarnermi Nuummi takusassat nuimanngitsut aamma oqaluttuat ilinniarfiusinnaasut illoqarfitsinnik immikkuullaritsitsisut takunissaanut periarfissaqarputit.
17.30: Nuummi Katersugaasiviup eqqaani angalaarneq naggaserneqassaaq, sumiiffik oqaluttuarisaanermik kulturimillu ulikkaartoq. Tassani ualeq nuannersumik atussavarput kaffisoqatigiilluta, tii kaagilu mamartoq. Innuttaasut nutaat allat naapinnissaannut, oqaluttuaqattaannissamut immaqalu ikinngutitaarnissamut periarfissatsialaavoq.
Ulloq taanna Nuuk taassumalu kulturia imaqarluartoq pillugu ilisimasaqarnerulernissat siunertaralugu ilusilersugaavoq peqatigitillugulu ilittulli inissisimasut allat naapinnissaannut periarfissaqarlutit.
Peqataagit ataatsimoornitsinnullu peqataalerlutit. Takunissat qilanaarivarput!
Akeqanngitsumik nalunaarneq:
Aaqqissuussaq akeqanngilaq kisianni nalunaarnissaq pisariaqarpoq.
Mailimik nassiussillutit peqataanissannut nalunaarit uunga kultur@sermersooq.gl kingusinnerpaamik ulloq 20/03-2024