Kommuneqarfik Sermersooq kikkut tamarmik Nuummi arfininngorpat januaarip 20-anni Unnuk Kulturisiorluarnissaannik kissaappai. Unnuk nuannernerumatikkusullugu kommunep Nuup Bussiisalu neqeroorutigaat, nal. 18.00-ip 22.00-illu missaani akeqanngitsumik bussertoqarsinnaanissaa.
Illoqarfimmi aaqqissuussat assigiinngitsorpassuupput, taamaalilluni unnuk tamanut soqutiginarsilluni. “Kulturimut tunngasut neqeroorutigineqartut Nuummi innuttaasunit misigineqarnissaannut periarfisseerusuppugut,” Jonas Lundsgaard Nilsson, Kommuneqarfik Sermersuup Kulturikkut Aaqqissuussinermullu Immikkoortortaani aqutsisuusoq oqarpoq. “Nuup Bussii suleqatigalugu akeqanngitsumik bussertitsinerput pitsaasuuvoq, neriuutigaarpullu peqatigiilluarnissanut iluaqutaassaasoq aammalu illoqarfimmi aaqqissuussanut piujuartitsinerunissamut sunniuteqassasoq.”
Kikkunnut tamanut kaammattuutigaarput, periarfissiissutigineqartoq atoqqullugu – atoruminarnera piinnarnagu kisianni aamma aaqqiissut pinngortitamut pitsaanerunera pillugu. Ataatsimoorullugu Unnuk Kulturisiorfik puigunaatsunngortitsigu!