Kommunimi aputaajaanermi maleruaqqusat atuuttut uani nanisinnaavatit, ilaatigut paasisaqarfigisinnaallugu kommunimi aamma inissiaatileqatigiiffigisanni maleruaqqusat suut ilinnut atuunnersut.
UKU NAMMINEQ APUTAAJARTASSAVATIT
- Nammineq isaariassi nalaa tummeqqallu
- Allakkanut nakkartitsisarfiup tungaanut aqqut
- Eqqaaviup tungaanut aqqut
- Aqquserngup killinganiit isaarissap tungaanut aqqut
- Piginnittut peqatigiiffiini biilinik inissiisarfiit
Illuutillit biilinik inissiisarfitik aputaajartassavaat imaluunniit 367575-imut (aputaajaasartunut sianerfissaq) sianerlutik aputaajaatitsisinnaapput
UKU KOMMUNIMIIT APUTAAJARNEQARTASSAPPUT
- Aqquserngit aqquteeqqallu tamat atortagaat
- Nalinginnaasumik angallannermi (Tamanit atorneqarsinnaasut soorlu biilinut inissiisarfiit)
- Tummeqqat tamanit atorneqartut pingaarnersiuinermi kingulliunneqassapput
UKU INISSIAATILEQATIGIIFFINNIT APUTAAJARNEQASSAPPUT (INI AS/S, ISERIT aamma ILLUUT A/S)
- Inissiaqarfiit
- Biilinut inissiisarfiit
- Tummeqqat isaarissallu
- Tamanut atugassiat soorlu pinnguartarfiit
Innuttaasut inissiaatileqatigiiffiit inissiaataanni najugaqartut inissiaatileqatigiiffimmut nammineerlutik attaveqassapput uungaluunniit sianerlutik 367575 (aputaajaasartunut sianerfissaq)
Inissiaatileqatigiiffiit aputaajaasarnermi illoqarfiup assingani pilersaarutaat aamma takusinnaavat, uani: Aputaajaasarneq (arcgis.com)