Kommuneqarfik Sermersuumi Kommunalbestyrelsimit angallanneq pillugu Siunnersuisooqatigiinnik pilersitsinissaq aalajangerneqarpoq.
Angallanneq pillugu Siunnersuisooqatigiit angallannermut tunngasunik nalilersuisassapput, pisortanillu suliffeqarfinnillu ataqatigiissaarisuusassapput. Matumani ajutoornerit minnerusuniit annerusunut ilanngunneqartassapput, siunnersuisooqatigiinniillu pinaveersaartitsinermut suliniutit ineriartortinneqassapput.
Siunnersuisooqatigiit aalajangersimasunik tallimanik ilaasortaqassaaq, tassanilu Kalaallit Nunaanni Politiinit, Kommunimi aqqusinernut oqartussaqarfimmit, Kommunimi Upalungaarsimasunit aamma Nunatta Nakorsaaneqarfianit sinniisunik ilaasortaqassaaq. Ilaasortat ajutoornernik pinaveersaartitsinermut kiisalu angallannermi isumannaallisaanerup pitsaanerulersinnissaanut periusissiornissamut suleqataassapput.
“Kommuneqarfik Sermersuumi aqquserngit isumannaatsuunerunissaannut Angallanneq pillugu Siunnersuisooqatigiinnik pilersitsineq alloriarnerussaaq pingaaruteqartoq. Siunnersuisooqatigiit aqqutigalugit angallanneq isumannaannerulissaaq ataavartumillu ingerlaartoqalissalluni”, Justus Hansen, Illoqarfimmik Ineriartortitsinermut Sanaartornermullu Ataatsimiititami siulittaasoq, oqarpoq.
Sanarfinermut Avatangiisinullu Ingerlatsivik Angallanneq pillugu Siunnersuisooqatigiinnut allattaassaaq. Siunnersuisooqatigiinnik ingerlatsinermut aningaasartuutit ingerlatsivimmi missingersuutaareersunit matussuserneqassapput.
Siunnersuut Kommunalbestyrelsimit akuersissutigineqareermat maanna Angallanneq pillugu Siunnersuisooqatigiit inissitsiterlutik ataatsimiinnissaannut piareersaatit suliarineqarput.