DMI-mit kategori 1-imik sakkortussisilimmik piterarnissaa aarlerisaarutigineqarpoq, Tasiilami unnugu nal. 23-mit piteralernissaa naatsorsuutigineqarluni. Innuttaasunut anorersuarnissaanut isumannaarinissaq pillugu pisariaqartunik isumannaarsuinissaat kajumissaarutigineqarpoq. Matumani suulluunniit tinginneqarsinnaasut, soorlu aneerasaartarfimmi pisattat eqqaaviillu anorimit tingitaannginniassammata isumannaarsorluarnissaat ilanngullugu kajumissaarutigineqarpoq. Saniatigut anorersuarnerani ajoqusertoqannginnissaa pillugu illup iluaniiginnarnissaq kajumissaarutigineqarpoq.
Maanna illoqarfimmi pisortanit atuarfiup ulluuneranilu neqeroorutit aqagu ammatiinnarniarlugit pilersaaruteqarput. Anorersuarnissaa sukumiisumik malinnaaffigineqarpoq, aarlerisaarutigineqartorlu allannguuteqassagaluarpat ullaakkut KNR aqqutigalugu nalunaaqutaq arfineq-marlunut nalunaarutigineqarumaarpoq.
Paasissutissanik amerlanerusunik pissarsiniarnermi ikiortariaqarnermilu Tasiilami upalungaarsimasut uunga +299 367789-mut attaveqarfigineqarsinnaapput.