Danmarks Meteorologiske Institut (DMI) ataasinngornermi Tasiilami Piterarnissaanik aarlerisaarivoq. Avannaq kippasimmik 25 – 30 m/s-mik sakkortussusilimmik anorlernissaa kiisalu 35 m/s-mik sakkortussusilimmik anoraasuasarnissaa naatsorsuutigineqarpoq. Tamatuma kingunerisaanik Kommuneqarfik Sermersooq atuarfiit, meeqqeriviit innuttaasunillu kiffartuussivik matoqqassasut aalajangerpoq. Angerlarsimaffimmi ikiortit anorersualinnginnerani innuttaasunut tamanut angerlarsimaffimmi ikiortinik atuisuusunut pulaassapput.
Tasiilami upalungaarsimasut ajoqusertoqarnissaanik annikinnerpaaffissamiititsiniarlutik, innuttaasut avatangiisiminni atortunik teqqaasinnaasunik isumannaarsuinissaat kaammattuutigaat. Innuttaasut, anorersuarnerata nalaani ikinngutiminniikkusuttut ilaquttaminniikkusuttulluunniit, Anorersualinnginnerani ingerlassasut kaammattuutigineqarpoq. Ujaqqat atortullu oqimaatsut anorersuarnerani tinginneqarsinnaanerat immikkut ernumassutigineqarpoq, taamaattumik kikkut tamarmik isersimanissaat kaammattuutigineqarpoq.DMI-p Piteraq sapaatip ataasinngornerullu akornanni unnukkut aallartissasoq, marlunngornermilu ullaanngornissaata tungaanut ingerlassasoq naatsorsuutigaa
Piterarneratali nalaani kommunimit imaluunniit upalungaarsimasunit ikiorneqarnissamik pisariaqartitsigaanni upalungaarsimasunut sianertoqarsinnaavoq, oqarasuaat +299 36 77 89-imut.