Kommuneqarfik Sermersuumi Inuusuttut kommunalbestyrelsimi ilaasortat nutaat qinerneqarput, pingaartumillu suliniutissat marluk qinigassanngortittunit pingaarnertut saqqummiunneqarput – Pimmatiginninnermik akiuineq aamma mingutsitsinngitsumut allannguineq
Inuusuttut kommunalbestyrelsianni ilaasortat nutaat inuiaqatigiinnut pitsaasumik allannguuteqarnissartik neriorsuutigaat. Qinigassanngortittummi amerlasuut pimmatiginnittarneq akiorniarlugu qineqqusaarput. Pimmatiginnittarneq ajornartorsiutaavoq inuusuttorpassuarnut sunniuteqartartoq, sinniisulli qinigaarlaat kulturimik peqataatitsinerusumik ataqqinninnermillu pilersitsinissaq siunertaraat. Tamatuma saniatigut pimmatiginnittarnermik akiuinikkut atuarfinni suliassanut tunngasut inooqataanikkullu ataatsimoortarnerit pitsaanerulersinneqarsinnaasut naatsorsuutigineqarpoq.
Silap pissusaata allanngoriartornera ilutigalugu unammillernartut qineqqusaarutit ilagaat. Matumani mingutsitsinngitsumut allannguineq pingaartinneqarluinnarpoq. Siunnersuuterpassuit ilagaat illoqarfimmi bussit innaallagiartortunngortinneqassasut, soorlu illoqarfinni annerni – ilaatigut Københavnimi – takuneqarsinnaasoq. Allatut oqaatigalugu kommune piujuartitsinerusoq, kommunimi tamarmi silap pissusaanut sunniutaasut annikinnerulersillugit kiisalu avatangiisinut tunngasut eqqumaffigineqarnerulersillugit.
Kommunimit inuusuttut sulinerannik malinnaanissaq qilanaarineqarpoq. Inuusuttut kommunalbestyrelsianni ilaasortat nutaat pillugit tamakkiisumik una toorukku paasisaqarsinnaavutit:
(Inuusuttut kommunalbestyrelsiat – Kommuneqarfik Sermersooq)
