Nunaqarfinni eqqagarpassuit katersorneqartartut sumiiffinni innuttaasut inuunerannut akornutaasinnaavoq. Ajornartorsiut aaqqiiviginiarlugu Kommuneqarfik Sermersuumi sulissuteqartoqarpoq.
Saliinermi suliniutit ilaat piffissami 15. – 18. aggusti 2023 ingerlanneqarput, tassani Qeqertarsuatsiaani eqqaavimmiit eqqakkat 400 tonsit sinnerlugit katersorneqarput.Taakku eqqakkat 400 tonsit kommunimi sulisut aamma Nuummi tigooraavimmit aamma suliffeqarfik Masik Vikingimik sulisut marluk akornanni suleqatigiinnikkut katersorneqarput.
”Piffissami 15. – 18. aggustimi Qeqertarsuatsiaani 400 tonsit sinnerlugit katersorpagut, tamannalu nunaqarfimmi eqqakkanut tunngatillugu siunissami ersarissumik allannguutaassaaq. Taamaattumik sulisut eqqakkanik katersinermi peqataasut assut nersualaagassaapput”, Aalisarnermut ingerlatsinermullu immikkoortumi aqutsisoq Agnes Olsen oqarpoq.
Nangilluni oqarpoq: ”Eqqakkat maanna naammassigatsigit nunaqarfimmi siunissami eqqagassalerinermik immikkoortiterinermillu aallaavissaqarlualerpugut. Pilertortumik suliaqarnitsinni nunaqarfinni eqqagassalerineq pitsaanerusumik siunissami suliarisinnaalernissaat nassiunnissaallu naatsorsuutigaarput.
Kommuneqarfik Sermersuumit eqqagassalerinermi pitsanngorsaaneq qanimut malinnaaffigineqassaaq, neriuutigalugu nunaqarfinni ajornartorsiut aaqqiivigineqarneratigut innuttaasunut iluaqutaassasoq.
