Aningaasaqarnermut Inuussutissarsiornermullu Ataatsimiititaliaq aamma Sanaartornermut Avatangiisinullu Ataatsimiititaliaq Kapisilinni 16. maajimi aamma Qeqertarsuatsiaani 17. maajimi innuttaasunik ataatsimiititsinissamut qaaqqusipput.
Nunaqarfinni ineqarnermi, inuussutissarsiornermi, attaveqaateqarnermi eqqiluisaarnermilu ineriartornissamut periarfissanut innuttaasut akuutinneqarnissaat siunertaralugu ataatsimiititsinerit ingerlanneqassapput. Pilersaarummut ilagitillugu innuttaasut sammisaqartitsinernut assigiinngitsunut peqataanissamut qaaqquneqassapput.
Kapisilinni 16. maajimi nal. 16.15 innuttaasut illuanni ataatsimiititsisoqassaaq.
Qeqertarsuatsiaani 17. maajimi nal. 16.30 katersortarfimmi ataatsimiititsisoqassaaq.
Ataatsimiititalianit marluusunit politikerit ilissinnut tikilluaqqusinissamut qilanaarput.