Nuummi Najukkami Ataatsimiititaq ukiup affaani siullermi suliniutinut tapiissuteqarnissamik arlalinnik qinnuteqarfigineqarsimavoq. Tamanna isumaqarpoq, Nuummi Najukkami Ataatsimiititap suliniutinut arlallinnut tapiinerannik.
Nuummi Najukkami Ataatsimiititami siulittaasoq Finn Meinel tapiissutinik agguaaneq pillugu ima oqarpoq: ”Nuanneqaaq suliniutit pitsaasut amerlammata, suliniutinilu arlalinni illoqarfitsinni innuttaasut peqataatinneqarnissaat ilanngunneqarsimapput, assigiinngitsutigut. Qinnuteqartitsinerit aappassaat maanna naammassivoq, aalajangersimavugullu aningaasat ukioq manna agguaanneqartussat tamaasa agguaatissallugit. Taamaattorli suliniutinik isumassarsianillu pitsaasunik suliniuteqarusuttunit Najukkami Ataatsimiititamiit tusarnissarput ammaffigiuaannarparput”
Siulittaasup tullia, Jonas L. Nilsson aamma ima oqarpoq: “Tamanna aamma isumaqarpoq, qinnuteqartitsisimanigut nalilersuiffigaagut, taamaatumillu ukioq 2024 qinnuteqartitsinerit aamma marluinnaanissaat aalajangiussimavarput, februaarimi aggustimilu 2024-mi.”
Arlallit tapiiffigineqarsimanerat kinguneraa Nuummi Najukkami Ataatsimiititap aningaasaliuuttagai ukioq manna tamarmik tunniunneqareersimaneranik. Taamaattumik ukioq manna qinnuteqartitsinissaraluit kingulliit marluk taamaatiinnarneqarput, Najukkami Ataatsimiitaq aatsaat ukioq 2024-mi qinnuteqartitseqqissaaq.
Suliniutit pitsaasut pillugit Nuummi Najukkami Ataatsimiititap Facebookimi quppernerani saqqummiunneqarumaarput.