Naalagaaffiit Peqatigiit nunat assigiinngitsut akornanni Ilaqutariit Ulloqartinneqarnerannut (15.maaji 2023) atatillugu Kommuneqarfik Sermersooq ilaqutariinnut tamanut katerisimaarnissamut sammisaqaqatigiinnissamullu qaaqqusivoq.
Kommuneqarfik Sermersooq nunat assigiinngitsut akornanni Ilaqutariit Ulluat pillugu Godthåb Hall-imi ulloq 14.maaji 2023-mi nal. 13.00-16.00 aaqqissuussamik malunnartitsivoq.
Nuannersunut timersorluni sammisassanut peqataajartoritsi, eqqumiitsuliortunit isiginnaartitsisunik aliikkusersoriartoritsi imaluunniit nutaaliorluni workshopernermut peqataagitsi, Godthåb Hall-imi ualikkut makku neqeroorutaassapput:
- Pissittaarfik aamma paasuusaarneq
- Cheeky peqatigalugu qalipaanermik workshoperneq
- Ivaana aamma DJ Liam nipilersornermik aliikkusersuissapput
- Nukakkuluk Kreutzmann aamma Ane Marie Ottosen isiginnaartitsissapput
Meeqqanut inersimasunullu peqataaneq akeqanngilaq, cafeteriamilu nerisassanik imeruersaatinillu pisisoqarsinnaavoq.
