Ullumikkut dronningerput 83-inik ukioqalerluni inuuissiorpoq. Piffissaq iluatsillugu ataqqinartorsuup inuuissiornerani pilluaqqujumavara sulilluarsimaneranillu qujassuteqarfigalugu.
Uattut kunngikkormiulerituujugaanni imaluunniit aamma persuarsiutiginnippallaartuunngikkaanni, taamaattoq amerlanerit isumaqataaffigissavaat Dronning Margrethe tassaammat naalagaaffeqatigiinnermi annertuumik pitsaasumillu sunniuteqarsimasoq. Ataqqinartorsuaq tamatigut ataatsimoortitsinermik, inussiarnersuunermik ataqqinninnermillu qitiutitsilluni katersuutsitsisarpoq.
Kunngikkormiut Nunarpullu tamatigut imminnut qanimut attaveqartuupput. Kunngikkormiut tamatigut ilisimavaat sulissutigilluarsimallugulu Nunatta Danmarkimiit kulturikkut allaaneroqisup inissisimanermigullu ungaseqisupaqunneqarnerani akisussaaffik ataatsimoortitsiffiussasoq. Tamanna uagut kalaaliusugut pingaartittaqaarput.
Qanga kalaallit illui qisunnik iikkerneqartalermatali Jiisusip Elvis Presleyillu assiutiginerisa saniatigut kunngikkormiut assiutigineqartalerput.
Ulloq manna tikillugu kunngikkormiut naalagaaffeqatigiinneq tamakkerlugu ataatsimoortitsisuusarput. Isumaqarluinnarpunga tamatumunnga kunngikkormiut, minnerunngitsumillu dronningerput peqqutaasoq.
Ataqqinartorsuaq 83-inik ukioqalerninni uummammit pisumik pilluangaarit.
Avaaraq Olsen
Kommuneqarfik Sermersuumi borgmesteri