Apriilip qaammataanut ineqarnermut tapiissutit tunniunneqarnissaannut atatillugu Kommuneqarfik Sermersuumi ajuusaarnaqisumik kukkusoqarsimavoq.
Kukkunermi kalluarneqartut tassaapput innuttaasut Iserit A/S aqqutigalugu inissianik attartortut, tamatumalu kingunerisaanik apriilip qaammataani inimut akileeqqusissutit annertuallaanngikkunik annikippallaarsinnaallutik.
Kommuneqarfik Sermersuumit kukkuneq piaarnerpaamik iluarsiniarneqarpoq. Ineqarnermut tapiissutit Iserit A/S-imut eqqortumik naatsorsuutinut ilanngunneqassapput taamaalillutik attartortut ineqarnermut akiliutaat iluarsiivigineqarlutik.
Kukkunerup kingunerisaanik ineqarnermut akiliut ilinnut annertuallaarsimappat taamaalillutillu aningaasartuutinut aalajangersimasunut nalinginnaasumillu atuinermut aningaasanik amigaateqalerlutit, Isumaginninnermik Sullissivimmut sapinngisamik piaarnerpaamik saaffiginneqquneqarputit tassani suliaq ilinnut tunngasoq suliarineqarniassammat.
Isumaginninnermik Sullissivik ataasinngornermiit pingasunngornermut nal. 10-15 ammasarpoq oqarasuaatikkullu 36 76 00-ikkut piffissami taaneqartumi pissarsiarineqarsinnaalluni.