Inuttut ataasiakkaatut suliffeqarfittulluunniit nunaminertamik atuisinnaatitaarusukkaanni, assersuutigalugu illuliorusulluni, taava nunaminertamik atugassinneqarnissamik sanaartornissamillu akuersissummik qinnuteqartoqartussaavoq. Qinnuteqartarnerup paasiuminarnerulernissaa kommunimit kissaatigineqarpoq, tamannalu suliniutip nutaap atulersinneqarneranik kinguneqarpoq.
Massakkut nunaminertamik atugassinneqarnissamut sanaartornissamullu qinnuteqarnissamut atatillugu pituttorsimanngitsumik akeqanngitsumillu kommunimi oqartussat oqaloqatiginissaannut inniminniinissaq innuttaasumut ajornannginnerulerlunilu paasiuminarnerulerpoq. Kommunip nittartagaatigut nammineerluni ataatsimeeqateqarnissamut massakkut inniminniisoqarsinnaalerpoq. Nutaatut innuttaasut namminneerlutik piffissani inniminnerneqarsimanngitsuni namminneerlutik inniminniisinnaalerput.
Imatut ataatsimiinnissamut inniminniissaatit:
Ugguuna kommunip nittartagaatigut ataaatsimiinneq inniminnissavat, tassani aamma nunaminertamik atugassinneqarneq sanaartornissamullu akuersissutit paasisaqarfiginerusinnaavatit: https://sermersooq.gl/da/jeg-vil-be-om-en-forhaandsdialog/#/
Piffissaq ilinnut naleqquttoq nassaarereerukku, ataatsimiinneq qarasaasiakkut imaluunniit nammineerlutit kommunip allaffianukarlutit ataatsimiinneq kissaatiginerlugu allassavat. Qarasaasiakkut teams aqqutigalugu ataatsimiinnissaq aallaavigineqartarpoq.
Inniminniitinnak makku piareersimatissavatit: Pilersaarusiap nassuiaataa, pisussamut pilersaarut, titartaqqaarneri/titartakkat pilersaarusiamik pitsaanerpaamik nassuiaasut kiisalu apeqqutit ataatsimiinnermi pingaaruteqarsinnaasut.
Naatsorsuutigisinnaavat, ataatsimiinnissamut 30-60 minutsit piffissaliunneqarsinnaammata.