Ippiarsuup sammisassaqartitsivia Hans Kluge, Naalagaaffiit Peqatigiit peqqinnissaq pillugu suleqatigiiffiata Europami allattoqarfiani pisortaasoq kiisalu Danmarkimi sundhedsstyrelsemi pisortamit Søren Brostrømimit sisamanngormat martsip 30-ani pulaarneqarput.
Nunatta Nakorsaarneqarfia aamma najuuppoq, nakorsaaneq Henrik L. Hansen aammalu Paneeraq Noahsen peqataammata, pulaartullu Suliffeqarnermut Isumaginninnermullu Ingerlatsivimmi pisortamit Ejner Grønvoldimit kiisalu utoqqarnut sullissivimmi fagchefimit Karen Lund Mølgaardimit tikilluaqquneqarput.
Pulaartut Kalaallit Nunaanni inuiaqatigiit peqqissusaat, Kalaallit Nunaanni peqqinnissaqarfik kiisalu nunat tamalaat akornanni suleqateqarneq pillugu paasisassarsiorput. Tassani suleqatigiiffiit oqartussallu kikkut suleqatigineraat kiisalu peqqinneq pillugu aammalu peqqinnissaqarfimmi pitsanngorsaataasimasut pillugit tusarnaariartorlutik.
Taakku atorfilittaalu Ippiarsummut pulaarnerminni puigortunngortut angerlarsimaffiat aamma pulaarpaat.
Pulaartut takornariartitaannginnerminni Ippiarsummi pisortap tullersortigigallagaanit Erla Vinterimit oqalugiartoqarpoq aammalu kalaallit nerisassaataannik misiliitinneqarlutik.
