Utoqqaat amerlanerusut sammisassaqartitsivimmut sammisassaqartitsivimmiillu biiliunneqarnissamik innersuunneqarnissaat periarfissaalerpoq.
Inuit piginnaanikillisimasut akeqanngitsumik biiliunneqarnissaminnik pisinnaatinneqartut kisimik biiliunneqartarunnaassapput. Utoqqaat sammisassaqartitsivimmiittarnissamut innersuunneqarsimasut, aamma piffissap ilaannaani pitsorluttut akeqanngitsumik biiliunneqartalissapput.
”Utoqqarnut taakkununnga assullu pisariaqartitsisunut taamatut sullissisinnaanngornerput nuannaarutigivara. Piffissap ilaani pitsorlunneq pissutigiinnarlugu soorunami sammisassaqartitsivimmukanngitsoortoqassanngilaq inunnillu peqateqarani”, taama oqarpoq Suliffeqarnermut Isumaginninnermullu Ataatsimiititami siulittaasoq, Inge Olsvig Brandt.
Taamatut allannguisoqarneratigut inunnut innarluutilinnut bussit taakkunannga assigiimmik atorneqalissapput. Taamatut iliornikkut utoqqarnik sullissineq qaffaallatsinneqassaaq peqatigitillugulu allaffissorneq annikillisinneqarluni.