Aputaajaaneq suliassaavoq pingaaruteqarluinnartoq, PINNGITSOORANI suliarineqarsinnaassaaq. Kommune ajoraluartumik qamutinik motoorilinnik aqqusinerni imaluunniit pisuinnaat aqqutaanni uninngasunik naammattoorsisarpoq.
Angallattunut imaluunniit pisortat aputaajaanermut ulorianaateqarsinnaasumik akornutaasinnaasumilluunniit biilinik uninngatitsisoqartassanngilaq.
Unioqqutitsilluni uninngasarnerit pingaartumik ineqarfinni ajornartorsiortitsisarpoq, tassa aqqutigineqarsinnaasut marluinnaagaangata aputaajaatit biilit uninngasut saneqqussiinnaaneq ajorpai.
Biilertartut tamaasa tamanna eqqumaffigissagaat qinnuigaagut, taamaaliornikkut sumiiffiit aputaajarsinnaaniassapput kiisalu qamutit motoorillit inuunermut pingaaruteqarsinnaasut, soorlu qatserisartut biili, ambulancit politiillu, tikiussinnaaniassammata.