AKO neqeroorutaavoq iluarineqarlunilu akikitsoq, akikinnerali peqqutaarpiarluni angajoqqaarpassuit meeqqatik ornigutissaaraluartut inissaq tigummiinnartarpaat, tamannalu ajornartorsiutinngortarpoq, tassami qaammatini tulliuttuni aamma meerarpassuit inissamik pissarserusuttussaapput.
Nuummi 1. klassimi atualertussat AKO-mi sungiusarnerat 2023-p aallartinnerani aallartittussaavoq. Meeqqat AKO-mi inissaqalertarnera malillugu sungiusartinneqalertarput. Taamaalilluni meeqqat 1. klassimi atualertussat atualinnginnerminni eqqissillutik AKO-mi sungiusarsinnaalertarput. Taamaattumik 3. klassimi atuartut, AKO-mi inissaminnik atuinngitsut peerneqarnissaat, taamaalillunilu inissaasa allanit atorneqarnissaat pingaaruteqarpoq.
Siusissukkut sungiusalertarneq aamma sunniuteqarluartarpoq. Meeraq AKO-mi aallartikkaangat, meeqqerivimmi inissaq ataaseq atorneqarunnaartarpoq, aammalu meeraq meeraaqqerivimmiit meeqqerivimmut nuukkaangat, meeraaqqerivimmi inissaq ataaseq atorunnaartarpoq.
Meeqqanut Atuarfinnullu ingerlatsiviup AKO-mi inissanik amerlanerusunik pilersitsisinnaaneq misissuiffigaa, taamaalilluni meeqqat 1.-3. klassimi atuartut tamarmik AKO-mi, atuarfigisamik attuumassuteqarfigisaanni inissaqartinneqarsinnaalissammata.
Meeqqavit inissani atunngippagu tamanna Sullissivik aqqutigalugu nalunaarutigisinnaavat.