2020-miilli Kommuneqarfik Sermersuumi innuttaasut, kommunip innuttaasunik peqataatitsinermut nittartagaatigut kommuneqarfiga.gl aqqutigalugu siunnersuuteqarnissaannut, periarfissaqalernikuupput
Arlallit periarfissaq atorluareerpaat siunnersuuterpaaluillu politikkikkut oqaluuserisassanngortinneqarsimallutik. Siunnersuutit pineqartut maannamut 250-inik amerlanerusunik taaneqartut Nuummiinnaq pisussatut siunnersuutaasarput, kisitsisillu pineqartut taasinikkut qaangeraangamikkit ataatsimiititamut susassaqartumut ingerlateqqinneqartarput.
Taamaattumik kommunimi aalajangertoqarpoq siunnersuutit Nuup avataaneersut decembarip ulluisa aallaqqaataanniit qaammatini pingasuni 50-inik taaneqarsimatillugit ataatsimiititamut susassaqartumut ingerlateqqinneqartarnissaat misileraaffigineqassasoq.
”Innuttaasut siunnersuutitsialaminnik politikerinut anngussisarnissaat kommunalbestyrelsimi issiasunut pingaaruteqarpoq. Taamaammat misileraanerup nalaani innuttaasut sunik siunnersuuteqassanersut takussallugit pissagangaara”, Kommuneqarfik Sermersuumi borgmesteri, Avaaraq Olsen oqarpoq.
Innuttaasutut siunnersuuteqarsinnaavutit imaluunniit innuttaasut allat siunnersuutaat taasiffigisinnaavatit uani kommuneqafiga.gl