Illoqarfigisanni juullip orpii novembarip 27-anni, sapaassuarmi ikinneqassapput. Pisarneq malillugu orpimmik ikitsinermi illoqarfinni assigiinngitsuni aaqqissuussisoqassaaq. Uani takusinnaavatit illit illoqarfigisanni qanoq aaqqissuussisoqassanersoq.
Pisarneq malillugu Kommuneqarfik Sermersuup illoqarfiini nunaqarfiinilu sapaassuarmi juullip orpiinik ikiterisoqassaaq. Illoqarfinni aaqqissuussat pillugit pilersaarutit ima isikkoqarput:
Nuuk, Aqqaluup Aneerasaartarfiani:
15.00 – Maria Motzfeldt tikilluaqqusissaaq
15.05 – Nipilersoqatigiit Ulla & René aliikkusersuissapput
15.10 – Borgmesteri Avaaraq Olsen oqalugiassaaq
15.20 – Tupaallatsitsineq!
15.40 – Juullip inua nulianilu apuutissapput
16.00 – Orpiliaq ikinneqassaaq!
16.02 – Nipilersoqatigiit Ulla & René aliikkusersuissapput
16.15 – ”Ullormut qujanaq” – Maria Motzfeldt
Tasiilaq:
15.00 – Orpik ikinneqassaaq
15.02 – Erinarsoqatigiit tussiassapput
15.10 – Juullip inua aliikkusersuissaaq
15.30 – Meeqqat poortugarsiassaannik agguaaneq
15.40 – Juullip inua assileqatigineqarsinnaassaaq erinarsoqatigiillu tussiaqqaassaallutik
Paamiut:
15.30 – Juulimaaq qatserisartut peqatigalugit illoqarfik kaajallassavaa
16.00 – Orpik ikinneqassaaq
Enok Poulsen tikilluaqqusissaaq
Orpik kaavinneqassaaq
Orpik kaavinneqareerpat Najukkami Ataatsimiititaliaq kommunimilu sulisut meeqqat mamakujuttussaannik agguaassissapput.
Ittoqqortoormiit:
16.00 – Tikilluaqqusineq
Paarsisup meerartaanniit orpik ikinneqassaaq
Juullip inua snescootererluni tikissaaq
Juullip inuaniit taassumalu ikiortaaniit meeqqat pooqattanik tuniorarneqassapput.