Inuttut atugarliortut peqateqarlutik imminnut ikiulernissaat siunertaralugu ataatsimoorfeqarnissaannut Suppekøkken-imut atugassaannik 40.000 kr.-nik Kommuneqarfik Sermersuumit ikiorserneqassapput. Suliniut NoINI-mut atasuuvoq Nuummilu inissisimalluni.
Ukioq kaajallallugu pingasunngornerit tamaasa HJ Rinksvej 47-mi, imminut ikiulernissamut allanillu peqateqarnissamut nal. 16.00-mit 20.00-mut suppekøkken ammasassaaq.
Suliniut 2014-mili ingerlavoq, kajumissutsiminnik sulisunit, inuttut atugarliortunut isumassarsisitsiumalluni toqqissisimanartumik nuannersumillu ataatsimooqatigiissitsinissaq pilersikkumallugu.
Suliniut Nuummi inissisimavoq aammalu suppekøkkenip inissisimaffia pitsaasutut isigineqarpoq kiisalu nerisassat sassaalliutaasut pitsaasutut isigineqarlutik.
Tassami nerisassat Suppekøkkenet-mit sapinngisamik najukkami aalisartunit piniartunillu pisat kalaaliaraq aqqutigalugu pisiarineqartarput. Allatut oqaatigalugu pissutissaqarluarpoq aningaasaliissutit ”Inunnik ikiuinissaq siunertaralugu kajumissutsimik suliaqartunut tapiissutit” suliniut tapersissallugu toqqarsimavaat.
Aningaasaliissutit ukiumut marloriartumik agguaanneqartarput, aammalu juunimi 2023-mi qinnuteqaqqittoqarsinnaalluni.