Tasiilami kalaalimineerniarfik inuppassuarnit peqataaffigineqartumik septembarimi nappaanersiorneqarpoq. Suliap ingerlanneqarnerani peqatigiiffiit arlallit peqataasimapput napparneqarnissaanullu piffissaliussaq iluatsinneqarluni. Sanaartukkap ajoquserani maannamuugallartoq illoqarfiup piteqqamit sakkortuumik eqqugaanera anigoreerpaa.
Aallaqqataanilli Sus-Now/Tasiilami suleqatigiippugut Tasiilami kalaalimineerniarfimmik nappaanissamik suliaqartut ilagivaat Najukkami Ataatsimiititaliaq aamma Piniartut peqatigiifiat suleqatigalugit. Kingusinnerusukkut Inuusuttut kulturikkut illorsuat aamma Siu-Tsiu suliniummut ilanngunneqarput taakkulu sanaartornermut peqataasimapput. Taakku saniatigut kajumissutsimik sulisut ataasiakkaat ikiuussimappput.
”Aallaqqaataaniilli aalajangerneqarpoq najukkami sulisunit kajumissutsimillu sulisunit sanaartorneq ingerlanneqassasoq. Taamaasilluni kalaalimineerniarfik, avataanit tikillutik sanaartoriartortunut sanilliullugu, illoqarfimmit pigineqartutut misigititsivoq. Taamaattumik kalaalimineerniarfimmik nammineq pilersitsinerput nuannaarutigisorujussuuarput, Najukkami Ataatsimiititaliami siulittaasoq Ole Jens Lundblad oqarpoq.
Kalaalimineerniarfimmik nappaaneq najukkami sanasumit aqunneqarpoq, aammalu Tasiilami Iserit-mi aqutsisumit piffissarititap ingerlanneqarnera nakkutigineqarluni. Kalaalimineerniarfiup ukiumi matumani inaarsarnissaa iluatsippasilerpoq, iluatalu atortussai pilersaarut malillugu ukiup tulliani umiarsuarmik siullermit tikisinneqassallutik. Tamanna pereerpat Tasiilami kalaalimineerniarfik atorneqarnissaminut piariissaaq.
