Nuummi aqqusinernik qapiaanerit maanna naammassipput, aqquserngillu asfaltilersorneqarnissaannik piareersariikkat suliarineqallattaalissapput.
Aqqusineq asfaltilersorneqannginnerani qapiarneqaqqaartussaavoq, asfalti qalleq piiarneqaqqaartussaalluni. Nuummi aqquserngit ukioq 2022-mi asfaltilersorneqartussat tamarmik maanna qapiarneqarsimalerput. Innuttaasullu sumiiffinni taakkunani sissuerlutik angalanissaat kaammattuutigineqarpoq.
Aqquserngini piareersarneqarsimasuni asfaltilersuinerit qaammatini tulliuttuni ingerlanneqarumaarput.
Asfaltilersuinissat akunnerit marluk iluanni ilimasaarutigineqartassapput. Piffissap sivikitsuinnaq atorlugu ilimasaartuigineqartarnissaannut peqqutaasut tassaapput asfaltilersuinnginnermi nalaatat arlaqartut apeqqutaasarneri. Tassani silap allanngorarsinnaasarnera apeqqutaangaatsiartarluni.
Aqqutit ingerlavigineqarsinnaasut nikisinneqartarumaarput, aqqutit suliarineqartut assivinneqartarnissaat naatsorsuutigineqanngilaq. Biilinilli angalasut kaammattorneqarput asfaltilersuiffiusukkut angalanaveersaartarnissaat, aammalu piffissani taakkunani naammagittartoqarnissaa kajumissaarutigineqarluni.