Ukioq manna tuttunniarnissamut umimmanniarnissamullu akuersissutit Kommuneqarfik Sermersuup Innuttaasunik Kiffartuussiviini tamani aaneqartariaanngorlutik piareerneqarput.
Nuummi innuttaasut ukioq kingulleq akuersissummik siumoortumik qinnuteqaqqaartariaqarnikuupput, ukioq manna tamanna pissanngilaq, Innuttaasunik Kiffartuussivimmut ornigutiinnarnikkut akuersissummik aallertoqarsinnaavoq.
Aavarfiup aallartinnissaata tungaanut sapaatit akunneri kingulliit Innuttaasunik Kiffartuussivimmut ulapaarfiunerpaasarput, taamaammallu kiffartuussivimmi sulisut innuttaasunut akuersissummik pisariaqartitsisunut kaammattuuteqarput.
”Akuersissutit atornissaata tungaanut utaqqisinnaaguit uagutsinnut oqalisaataangaatsiassaaq. Aavarfik aallartinngilaattaa uagutsinnut ulapaarfiunerpaasarput, taamaammat assersuutigalugu aatsaat septembarimi aavariarniaruit maannakkoqqissaaq akuersissummik aallernissat pisariaqanngilaq”, Innuttaasunik Kiffartuussivimmi pisortaq Lone Rosengreen Pedersen oqarpoq.
Akuersissutit juulip aqqarngani, ataasinngornermi aaneqariaannanngussapput.