Juunip naanerani Tasiilami Inuusuttut kulturikkut illuanni Igdlomi sexologi Heidi Sikemsen saqqummiivoq. Illoqarfiup inuusuttaanniit soqutigineqaqaaq.
Tasiilami inuusuttut kulturikkut illuat Igdlo inuusuttunut sanaajuvoq soorlu atiatigut takuneqarsinnaasoq. Juunip naalernerani sexologi Heidi Sikemsen inuusuttunut saqqummiinerani tamanna naqissuserneqarpoq.
Aaqqissuussaq iluatsilluarpoq, illoqarfiullu inuusuttaasa assut soqutiginninnertik takutippaat. Aaqqissuussap ingerlanerani sammisat arlallit sammineqarput, inuusuttut imminnut allanillu ilisimasaqarnerulersinniarlugit.
Sammineqartut ilaat makkuupput:
- Timip ineriartornera – anaanap naavaniit inuusuttuaranngornermut. Timit kinguaassiuutitigut pisariaqartitai suuppat?
- Killissat. Meeraanermiit, asannileqqanermi, minnerunngitsumillu inatsisitigut killissat suuppat?
- Attaveqaqatigiittarfiit / assit
- Allasiorneq sinnganerlu
- Asanninnermik takutitsisariaatsit assigiinngitsut
