Kommunaldirektøri aamma Inuussutissarsiornermut pisortaq ukiuni tulliuttuni marlunni ilassaqalerput, John Jakobsen (GrønlandsBANKEN), Jesper Hansen (BankNordic) aamma Christian Tang (HHE) Nuummi Inuussutissarsiornermut Siunnersuisooqatigiinni ilaasortanngormata.
Nuummi Inuussutissarsiornermut Siunnersuisooqatigiinni ilaasortassarsiornermi qinersineq elektroniskikkut ingerlanneqarpoq, tamannalu akimmisaarfittaqaraluarluni iluatsippoq. Qinersineq imatut inerneqarpoq, John Jakobsen (GrønlandsBANKEN), Jesper Hansen (BankNordic) aamma Christian Tang (HHE) siunnersuisooqatigiinni ilaasortanngorput, peqatigiillutillu soqutigisaqaqatigiit allat peqatigalugit ukiuni tulliuttuni marlunni Kommunalbestyrelsimut siunnersuinermikkut Nuummi inuussutissarsiortut atugassarisaannik pitsanngorsaanissaq sulissutigissavaat.
Inuussutissarsiornermut Siunnersuisooqatigiinni ilaasortanngortut imaalerput:
Inuussutissarsiuteqartunit
Nuuk Handelsstandsforeningimit ilaasortaq ataaseq Morten Heilmann
Nusukamit ilaasortaq ataaseq Gerth Lynge
Sulisitsisunit ilaasortat pingasut – Nuuk Bo Eriksen, Anders Lykke Laursen, Nungo Pedersen
Inuussutissarsiortunit ilaasortatut nammineq toqqakkat pingasut, ukiut marluk qinigaaffeqartussat. John Jakobsen, Jesper Hansen aamma Christian Tang
Sulinermik inuussutissarsiutillit kattuffiannit
Nuummi SIP sinnerlugu ilaasortaq ataaseq: Josef Therkildsen
Kommunimit
Kommunaldirektøri Ole Jakobsen
Inuussutissarsiornermut pisortaq: Inuussutissarsiornermut pisortaagallartoq Søren Würtz
Taaseqataasinnaanatik ataatsimeeqataasartut
Borgmester Avaaraq Olsen
Kommunalbestyrelsimi illuatungiliuttunit sinniisoq ataaseq – suli aalajangerneqanngilaq.
Sanarfinermut Avatangiisinullu Ataatsimiititami siulittaasoq pisortarlu Finn Karlsen aamma Hans Ulrik Skifte
Suliffeqarnermut Isumaginninnermullu Ataatsimiititami siulittaasoq pisortarlu Inge Olsvig Brandt aamma Ejnar Grønvold
Siunnersuisooqatigiit septembarip 27-anni tullissaani ataatsimiissaaq