Services

Nuuk: 2022-mi Inuiattut Ullorsiornermi aqqusernginik matusigallarneq

Ulloq juunip 21-anni inuppassuarnit peqataaffigineqartumik ullorsiortarpugut, taamaattumik inuit amerlasuut illoqarfimmi aaqqissuussanut peqataasarput, taamaattoqarneranilu tamanut isumannanngitsumik angallaartoqarsinnaanissaa pingaaruteqarpoq. Taamaammat juunip 21-anni aqquserngit marluk matoqqatinneqarallassapput:

  1. Hans Egedesvej (Nuutoqqap tungaanut) nal. 07.00-10.00
  2. H.J. Rinkip aqqutaani aqquserngit marluk (Nordbop tungaanut aqqut aammalu Nuummi Illorsuaq Timersortarfiup tungaanut aqqut) 12.00-18.00

Taamaammat biilissamaaruit sumi unissinnaanerlutit eqqarsaatigeernissaa isumatusaarnerussaaq. Kikkut tamarmik nuannersumik isumannanngitsumillu ullorsiorluarnissaannik kissaappagut.