Oplevelser

Inuiattut ullorsiorneq 2022: Nuummi puiseqqaanniuunneq

Paasissutissaq qangarnissaq

Akit, ammasarfiit, malittarisassallu il.il. uani saqqummiunneqartut qanganitsersimasinnaapput.

Juunip 21-ani Inuiattut ullorsiulerutta puiseqqaanniuunnissamut piareersimavit? Gummibådemik aquuteralammillu eqquisinnaavutit!

Inuiattut ullorsiornermi Nuummi pisarneq malillugu puiseqqaarniuutsitsisoqassaaq.

Nal. 07.30 – peqataasussat piareersassapput
Peqataasussat nalunaarsimasut tamarmik Nuuttoqqap saavani katersuutissapput.

Nal. 08.00 – Aallarneq
Naalakkersuisut Artisk Kommando peqatigalu puiseqqaarniuunneq qamutilittarnikkut aallartissavaat.

Qanoq ajugaasoqassava?

Ajugaasutut nalunaarutigineqartussat tassaapput puisimik pisaqaqqaartut pingasut Nuutoqqamut tikiusseqqaartut. Ajugaasunik suaaruteqartoqannginnerani puisit nutaassussaat misissorneqaqqaassapput, neqiillu puisinit pisarineqartuneersut pisarneq malillugu utoqqaat illuinut tunniunneqarumaarput.

Pinnatassat

Puisimik tikiusseqqaartut pingasut pinnatassaqarput. Ajugaasut pisaqaqqaarsimasutuinnaq pinnatik aamma pinnatassaqarput, tassani ilaatigut gummibådi nutaarsuaq Kalak 2,70 aamma aquuteralak 5 hesti Mercurymeersoq pinnatarineqartussaallutik. Pinnatassat Yamatekimiit Nuuk Marine Centerimiillu tunissutigineqarput.

Nalunaarneq

Ukioq manna puiseqqaanniuuttoqarnerani peqataaniaraanni nalunaarsimasariaqarpoq. Peqataasussat nalunaarsimanermut uppernarsaammik pinnassimasut kisimik peqataasinnaallutillu pinnatassanik pinnassinnaapput.

KULTUR@sermersooq.gl -imut mailimik nassiussigit, uku paasissutissat ilanngullugit:

  • Atitit tamaasa
  • Inuup normua
  • Konto normut

(Paasissutissat kommunimi naatsorsuuserinermi kisimi atorneqassapput, taakku pinnatassanik tunniussilernermi atorneqartussaammat)

Nalunaarfissaq kingulleq tassaavoq juunip 17-iat. Paasissutissat tamarmik ilanngullugu mailimik nassiussereeruit nalunaarsimanerit uppernarsarneqarumaarpoq.

Inuiattut ullorsiornitsinni puiseqqaanniuunnissamut peqataanissat qilanaaraarput!