Kommuneqarfik Sermersuumi aputaajaasut Tasiilami aperujussuarnera peqqutigalugu angummassinnaanngillat. Taamaasilluni innuttaasut ikiorneqartussanut ikiuiartorniarnermi apuunniarneq ajornartorsiutaalluni. Taamaammat Kommuneqarfik Sermersooq qanigisaasunit ikioqqulluni innuttaasunut saaffiginnippoq.
”Utoqqartagut innarluuteqartortagullu matuisa saavi aputaajarneqarnissaannut angummassinnaannginneq piinnarlugu sumiginnarneqarnavianngillat, kisianni innuttaasunut ikiorneqartartunut qanigisaasut aputaajaasinnaappata tamanut iluaquterujussuussaaq. Tamaaliortoqarpat kommunimiit ikiuuttussat angerlarsimaffimmi ikiorneqartussanut sukkanerusumik ikiuukkiartorsinnaassammata”, immikkoortumi Tasiilami pisortaq Hjørdis Viberg oqarpoq.