Aqagu pingasunngornermi 19. januaarimi Nuummi sekundimut 40 meterit tikillugit anoraasuartartumik anorersuarnissaanik DMI aarlerisaarivoq. Taamaattumik Kommuneqarfik Sermersooq Nuummi angajoqqaanut, meeqqaminnik atuarfinniit paaqqinnittarfinniillu angerlarsimatitsisinnaasunut angerlarsimatitsiinnaaqqusilluni kaammattuivoq. Kisiannili atuarfiit paaqqinnittarfiillu tamarmik ammaannassapput, taamaalilluni angajoqqaat suliartortariaqartut suli meeqqaminnik paarsititsiinnarsinnaassallutik. Pingasunngornermi atuarfiit sapinngisamik online-kkut atuartitsinissamik aaqqissuussissapput, tamatumunngaluunniit taarsiullugu meeqqat angerlarsimaffimminni atuakkerisassaannik nassartitsissallutik.
Anorersuarnissaanut aarlerisaarineq: Angajoqqaat meeqqatik angerlarsimatiinnaqqullugit kaammattorneqarput
Paasissutissaq qangarnissaq
Akit, ammasarfiit, malittarisassallu il.il. uani saqqummiunneqartut qanganitsersimasinnaapput.