Nuummi utoqqaat illersorniarlugit periusissiat nutaat pilersinneqarsimasut sivitsorneqarput, maleruaqqusallu aamma Ittoqqortoormiini Qeqertarsuatsiaanilu atuutilersinneqarput. Suut eqqumaffigissanerlugit uani atuakkit.
Utoqqaat illuanni najugaqatigiiffiinilu najugaqartut illersorniarlugit, januarip sisamaniit januarip 31-at 2022 ilanngullugu pulaarnermi immikkut ittunik maleruagassanik atuutilersitsisoqarpoq. Taakku Nuummi utoqqaat illuanni aamma Ittoqqortoormiini Qeqertarsuatsiaanilu utoqqaat najugaqatigiiffiini atuupput.
Pulaartut killilersorneqarneri
Nuummi utoqqaat illuanni najugalik amerlanerpaamik pingasunik pulaartoqarsinnaavoq. Ittoqqortoormiini Qeqertarsuatsiaanilu utoqqaat najugaqatigiiffiini najugallit marluinnarnik pulaartoqaqqusaapput. Maleruagassat avaqqunneqarsinnaanngillat, taamatuttaaq pulaartunut ukioqatigiiaanut tamanut atuupput, aamma qaniginerpaasaannut.
Qanermut assiaqut eqqaamallugu
Pulaarput pulaarnertik tamaat PINNGITSOORATIK qanermut assiaquteqassapput.
Tunillaassuunneq pinaveersaartiguk
Taaneqartut saniatigut pulaartut innersuussutit nalinginnaasut malissagaat kaammattuutigineqarpoq:
- Napparsimaguit ersiuteqaruilluunniit utoqqaat illuannut pulaarnak
- Assatit asakulakkit imaluunniit assannut spritti atoruk
- Talivit peqittarfianut quersorit/tangajorit, aamma qanermut assiaquteqaraluaruit
- Allat timaannik attugaqarneq killeqartiguk – assammiinak, ersakkut aparsinak, eqitaarinak il.il.
- Qanillinaveersaarit allallu taamatut ilioqqullugit