Nuummi Covid-19-imi tuniluunneq pillugu, Inussivimmi Timersortartut ulluat 2022 pisussaagaluartoq unitsiinnarneqarpoq. Immikkulli ittumik isiginnaartoqarani nersornaatit agguaanneqarumaarput.
Ileqquusutut, Kommuneqarfik Sermersuumi Ukiumut Timersortartut ulluat ukioq nutaami isiginnaartoqartillugu aaqqissugassatut ingerlanneqartussaagaluarpoq. Kisianni Nuummi tuniluunneq peqqutigalugu unitsiinnarneqarpoq.
Pilersaarusiaq malillugu januarip arferngani Inussivimmi Ukiumut Timersortartut ulluat ingerlanneqartussaagaluarpoq. Taamaassinnaangimmat matoqqasumik aaqqissugassatut nersornaatit kommunip allaffeqarfiani tunniunneqassapput, kingusinnerusukkullu ajugaasimasut saqqummiunneqarumaarlutik.
Immikkoortuni ukunani ajugaasussat katillugit arfiniliupput: Timersullammak, piukkunnaatilik, aqutsisuullammak, ukiup iligiivi, sungiusaasullammak aamma kajumissaarut.
Innersuunneqartut ukuupput;
Timersullammak
- Kim Ujarak Lorentzen, Greenland Strongest
- Maria Grødem, Crossfit
- Taatsiaq Gabrielsen, Greenland Strongest
Piukkunnaatilik
- Sissu Petersen, Svømmeklub Nuuk
- Ian Lund Stidsen, Greenland Strongest
- Julianne Schmidt, TTC 12
Aqutsisuullammak
- Aili Pedersen, NÛK fodbold
- Finn Meinel
Ukiup iligiivi
- NSP
- Mick og Julianne TTC 12
Sungiusaasuullammak
- Jonas Tetzner
- Albrecht Damgaard
- Anders Jensen
Kajumissaarut
- Sten Sørensen
- NÛK Håndbold Starz (Lykke liga)