Nuummi Najukkami ataatsimiititaliap ukioq manna qinnuteqarnissamut piffissaliunneqartut kingullersaat ulloq 17. november 2021-mut kinguartinneqarnissaat aalajangiuppaat.
Nuummi Najukkami ataatsimiititaliap sammisassaqartitsisarnerit assigiinngitsut tapersersortarpaat, Najukkami ataatsimiititaliamut qinnuteqarsinnaaneq novembarip 17-ianut 2021-mut sivitsorneqarpoq.
Nuummi Najukkami Ataatsimiititaliap sammisassaqartitsinerit tulliuttut uku tapersersorusuppai:
• Najukkami ataqatigiinnermik inuunerinnissamillu nakussassaasut
• Qanimut oqartussaaqataanermik innuttaasunillu peqataatitsinermik siuarsaasut
• Oqaloqatigiinnermik attaveqaqatigiinnermik illoqarfigisami sumiiffiit inuinut, atuisunut, suliffeqarfinnut, ukiut, suminngaanneerneq allatigullu assigiinngissuteqarnerit apeqqutaatinnagit suleqatigiiffiullutillu pilersitsiffiusut
• Illoqarfigisami innuttaasut akornanni, atuisut akornanni, suliffeqarfiit akornanni, ataatsimoortukkaani assersuutigalugu utoqqaat, meeqqat, angajoqqaat imaluunniit ataatsimoorfiusartut arlaatigut anguniagaqarlutik pitsaanerulersitsinissaq anguniarlugu sulissuteqartartut.
• Kulturikkut, nipilersornikkut, timersornikkut eqqumiitsuliornikkut sunngiffimmilu sammisassaqartitsinikkut siunertarineqartut pitsaanerulersinnissaannut ineriartortinneqarnissaannullu tunngassuteqartut
Qinnuteqaatit suliarineqarneranni suliniutit tapiissuteqarfigineqartut assigiinngitsuunissaat kiisalu illoqarfiup immikkoortortaanut sisamanut agguataarneqarsimasut pingaartinneqassapputtaaq. Tamatumunnga Najukkami Ataatsimiititaliamit aningaasat tulliuttunut immikkoortinniartarpai: silamiinnerit, kulturi, timersorneq, peqqinneq isumaginninnermullu tunngasut.
Paasissutissat allat qinnuteqarnermilu immersugassaq uani nanisinnaavatit:
https://sermersooq.gl/kl/najukkami-ataatsimiititamit-tapiiffigineqarneq-2/